...

Almaniya müdafiə xərclərini artıracaq

Dünya xəbərləri Materials 2 Aprel 2024 14:00 (UTC +04:00)
Almaniya müdafiə xərclərini artıracaq
İnqilab Məmmədov
İnqilab Məmmədov
Bütün xəbərlər

Bakı. Trend:

Almaniyanın maliyyə naziri Kristian Lindner bu ölkənin borc səviyyəsini azalda biləcəyi təqdirdə 2028-ci ildən etibarən əlavə müdafiə xərcləri üçün 9 milyard avroya (9,7 milyard dollar) qədər artım olacağını bildirib.

Trend xəbər verir ki, bu barədə DPA xəbər agentliyi məlumat yayıb.

Maliyyə baxımından mühafizəkar Azad Demokratlar Partiyasından (FDP) olan Lindner bildirib ki, Almaniya borcunu Aİ-nin ümumi daxili məhsulun 60 faizindən aşağı tutacağı təqdirdə müdafiə məqsədləri üçün əlavə vəsait ayıra bilər. “Əgər biz bu limitdən aşağı düşsək, 2028-ci ildən planlaşdırılan koronavirus borcunun ödənilməsi yenidən müzakirə oluna bilər”, -deyə nazir vurğulayıb.

Almaniya hökuməti koronavirus pandemiyası və Ukraynadakı müharibəyə cavab olaraq, 2020, 2021 və 2022-ci illərdə təxminən 300 milyard avro dəyərində təcili kreditlər götürüb. Lindner bildirib ki, Almaniya 2028-ci ildən etibarən hər il doqquz milyard avro borcun ödənilməsi üçün büdcə hazırlayır.

Nazir əlavə edib: “Lakin o vaxta qədər pandemiyanın borc səviyyəsindəki yükü aradan qaldırılsa, ödəniş əhəmiyyətli dərəcədə azaldıla bilər. Bu, Bundesver üçün xüsusi proqram başa çatdıqdan sonra federal büdcədə NATO hədəfinə sıçrayışa nail olmaqda bizə kömək edəcək milyardlarla vəsait təmin edəcək”.

2022-ci ilin fevralında Rusiyanın Ukraynada hərbi əməliyyatlara başlamasından sonra Almaniya müasir silahların alınması üçün 100 milyard avroluq xüsusi fond yaradıb. Berlin, həmçinin NATO-nun ÜDM-nin ən azı 2 faizini müdafiəyə xərcləmək hədəfinə çatmağı öhdəsinə götürüb.

Xəbər lenti

Xəbər lenti