Bakı. Trend:
Fransanın qərbindəki La-Roşel kommunasında baş verən qarşıdurma zamanı dördü polis əməkdaşı olmaqla azı 9 nəfər yaralanıb.
Trend xəbər verir ki, bu barədə Şarent departamentinin polis prefekti Bris Blondel brifinqdə bildirib.
“Hüquq-mühafizə orqanlarının əməkdaşları arasında dörd yaralı var, üçü yüngül xəsarət alıb”, - deyə Blondel vurğulayıb.
Qeyd edək ki, Fransada suvarma hövzələrinin tikintisinə etiraz edənlər La-Roşel limanında aksiya təşkil ediblər. Nümayişlərdə 6 minə yaxın şəxs olub.