Bakı. Trend:
Türkiyə ordusunun çavuşu İraqın şimalında “Pəncə-Kilid” əməliyyatı bölgəsində şəhid olub.
Trend Türkiyə KİV-ə istinadən xəbər verir ki, bu barədə ölkənin Milli Müdafiə Nazirliyi məlumat yayıb.
Bildirilir ki, çavuş Habip Murat Alp axtarış işləri zamanı düşmən gülləsinə tuş gəlib.
Qeyd edək ki, İraqın şimalında “Pəncə-Kilid” şərti adı altında aparılan əməliyyat keçən il aprelin 17-də başlayıb.
Bölgədə əməliyyatlar aktiv şəkildə davam edir.