...

Alimlər Yerin mantiyasının maksimum dərinliyinə nüfuz ediblər

Dünya xəbərləri Materials 10 Avqust 2024 09:09 (UTC +04:00)
İnqilab Məmmədov
İnqilab Məmmədov
Bütün xəbərlər

Bakı. Trend:

Beynəlxalq okean tədqiqatları proqramının bir qrup alimi Yerin mantiyasının maksimum dərinliyindən (1,2 kilometr) kern (mədəndən çıxarılan lüləşəkilli süxur nümunəsi) çıxarıb. Nümunələr okeanın dibində Orta Atlantik silsiləsinin bir hissəsi olan Atlantik massivindən qazma yolu ilə əldə edilib.

Trend bu barədə xarici KİV-lərə istinadən xəbər verir.

Orta Atlantik silsiləsi okean dibinin bir-birindən ayrıldığı və mantiya süxurlarının səthə çıxdığı yerdir.

Məlumata görə, qazma sahəsi "İtmiş şəhər"in yaxınlığında - okeana metan və hidrogen buraxan arı pətəyi və qülləyə bənzər strukturlarla doldurulmuş hidrotermal ventilyasiya sahəsinin yaxınlığında yerləşib. İlbizlər və boru qurdları kimi kiçik onurğasızların mövcudluğunu təmin edən çox sayda mikroorqanizmlər bu molekulların hesabına artırlar.

Alimlər qeyd ediblər ki, ümumi uzunluğu bir kilometrdən artıq olan mantiya süxurlarından nümunənin alınması onların geoloji, kimyəvi və bioloji tərkibini daha yaxşı öyrənməyə imkan verəcək. Bu məlumat həm Yerdə, həm də ondan kənarda həyatın mənşəyini anlamaq üçün vacibdir.

Məqalədə:
Xəbər lenti

Xəbər lenti