Bakı. Trend:
Türkiyə Milli Kəşfiyyat İdarəsi (MİT) Suriya və İraqın şimalında terrorçulara qarşı yeni əməliyyat keçirib.
Trend bu barədə Türkiyə KİV-ə istinadən xəbər verir.
MİT-in açıqlamasında, əməliyyat zamanı Suriyanın və İraqın şimalında PKK/YPG terror təşkilatına aid strateji nöqtələrin hədəfə alındığı bildirilib.
PKK/YPG-nin nəzarətində olan qondarma hərbi, kəşfiyyat, enerji/infrastruktur obyekti, logistika və sursat anbarı kimi çoxsaylı hədəflər məhv edilib.
“PKK/YPG terror təşkilatına qarşı planlaşdırılan hədəfə çatılana qədər Milli Kəşfiyyat Təşkilatının əməliyyatları fasiləsiz davam edəcək”, - açıqlamada vurğulanıb.