Bakı. Trend:
ABŞ Dövlət katibi Antoni Blinkenlə Türkiyə xarici işlər naziri Hakan Fidan arasında telefon danışığı olub.
Trend-in ABŞ Dövlət Departamentinə istinadən verdiyi məlumata görə, tərəflər Cənubi Qafqazda ləyaqətli və davamlı sülhün əldə olunmasının vacibliyini müzakirə ediblər.
Həmçinin telefon danışığı zamanı Qəzzada münaqişənin başa çatmasının və Fələstin əhalisinə humanitar yardımın çatdırılmasının vacibliyi müzakirə olunub.