Bakı. Trend:
ABŞ-ın Kaliforniya ştatının Palermo şəhəri yaxınlığında məktəbdə baş verən atışma nəticəsində azı iki şagird güllə yarası alıb.
Trend xəbər verir ki, bu barədə NBC telekanalının yerli filialı polisə istinadən məlumat yayıb.
Hadisə dekabrın 4-də yerli vaxtla saat 13:00 radələrində qeydə alınıb. Polis əməkdaşları hadisə yerinə çatdıqda, atəş açan şəxsin özünü öldürdüyünü aşkar ediblər. Yaralanan şagirdlər dərhal xəstəxanaya çatdırılıb. Onların sağlamlıq vəziyyəti və yaşları barədə hələlik məlumat verilmir.
Hazırda polis hadisə ilə bağlı araşdırmaları davam etdirir. Şübhəlinin şəxsiyyəti və hadisənin motivləri hələlik açıqlanmır.