Bakı. Trend:
İtaliyanın Kalenzano şəhərində “Eni” neft və qaz şirkətinə məxsus müəssisədə güclü partlayış baş verib. Hadisə nəticəsində iki nəfər həlak olub, 9 nəfər yaralanıb.
Trend xəbər verir ki, bu barədə İtaliyanın “La Repubblica” qəzeti məlumat yayıb. Bildirilir ki, hadisə zamanı üç nəfər itkin düşüb. Axtarış-xilasetmə işləri davam edir.
Hadisənin səbəbləri araşdırılır.