Bakı. Trend:
Rəsmi Vaşinqton Estoniyanı ölkədəki hərbi kontingentin hazırkı sayının olduğu kimi saxlanılacağı barədə məlumatlandırıb.
Trend xarici KİV-ə istinadən xəbər verir ki, bu barədə Estoniyanın müdafiə naziri Hanno Pevkur açıqlama verib.
Nazirin bu reaksiyasından bir gün əvvəl Pentaqonun Rumıniyadakı amerikalı hərbçilərin sayını azaldacağı barədə məlumat yayılmışdı.
“Estoniyada olan amerikalı hərbçilərlə bağlı olaraq bizim üçün müsbət qərar qəbul edilib. ABŞ xəbər verib ki, əməkdaşlığımız əvvəlki miqyasda davam edəcək. Tərəfimdən Vaşinqtona bu əməkdaşlığı daha da gücləndirməyə hazır olduğumuz barədə siqnal göndərilib”, - deyə Estoniya müdafiə naziri bildirib.