Bakı.Trend:
Estoniyanın Energetika və Ətraf Mühit nazirliyi Ukraynanın enerji infrastrukturunun bərpasına 2 milyon avro ayıracaq.
Trend xarici KİV-ə istinadən xəbər verir ki, bu barədə qurumun rəhbəri Andres Sutt bəyanat səsləndirib.
“Estoniyanın Ukraynaya dəstəyi davamlı və uzunmüddətlidir. Ukraynada enerji bugün sadəcə iqtisadiyyatın bir sahəsi deyil, o həmdə sağqalma məsələsidir. Biz bununla hələ fonda öz tövfələrini verməmiş ölkələrə nümunə olmaq istəyirik, çünki biz Ukraynanın enerji infrastrukturuna dəstəkdə ümumi cavabdehlik daşıyırıq”, - bəyanatda deyilir.
Məlumata görə, Tallinn tərəfindən ayrılan məbləğ Ukraynanın enerji müəssisələrinin təxirəsalınmaz ehtiyaclarının ödənilməsinə kömək edəcək. Buraya ehtiyat hissələrinin, generatorların və yanacağın alınması, həmçinin qəza-bərpa təmir işlərinin aparılması daxildir.