"Osmanlı imperiyasının süqutundan bəri ermənilərin vəziyyəti" mövzusunda keçiriləcək konfrans Türkiyənin elmi mühitində parçalanmaya səbəb olub. Trend Türkiyə SMİ-yə istinadən bildirir ki, sentyabrın 22-də 50-dən çox alimin birgə bəyanat imzalaması məlum olub.Bəyanatda qeyd olunur ki, konfransda iştirak üçün dəvət yalnız bir tarixi cərəyanın davamçılarına göndərilib ki, bu da mövzunun elmi müzakirəsi üçün qəbuledilməzdir.
"Həmin konfrans elmi əsasa söykənmir, siyasi məqsəd daşıyır və burada qəbul olunmuş hər bir yekun bəyanatlar qərəzli və qeyri-obyektiv olacaq.Biz konfrans iştirakçılarını yenidən bu addım üzərində düşünməyə çağırırıq"-deyə sənəddə xüsusilə qeyd olunur.
Qeyd edək ki, sabah, sentyabrın 23-də Bosfor Universitetində (İstambul) öz işinə başlayacaq üçgünlük konfransın təşkilati komitəsinin tərkibinə Türkiyənin bir sıra tanınmış alimləri daxildir.
Tədbirdə Türkiyənin 100-dən çox ictimai xadimi, eksperti və alimi çıxış edəcək.