İran "Şihab-3" orta mənzilli raketini sınaqdan keçirib. Bu barədə mayın 24-də İsrail radiosu xəbər verib. Bu raket İsrail ərazisinə və Amerikanın regiondakı obyektlərinə çatmaq qabiliyyətinə malikdir.
Trend in İnterfaks-a istinadən xəbər verdiyi kimi, sınaq mayın 23-də axşam, Vaşinqtonda ABŞ prezidenti Corc Buş və İsrailin yeni baş naziri Ehud Olmertin görüşünə bir neçə saat qalmış aparılıb. "Yerusəlim post" qəzetinin yazdığı kimi, sınaq "qismən uğurla" aparılıb.