Qazaxıstan prezidenti Nursultan Nazarbayevin ABŞ səfəri çərçivəsində ölkənin xarici işlər naziri Kasımjomart Tokayev iyulun 5-7-də Vaşinqtona işgüzar səfər edəcək. Bu barədə, Qazaxıstan XİN-inin rəsmi nümayəndəsi Erjan Aşikbayev həftəlik brifinqdə bildirib.
"Səfər zamanı nazirin ABŞ dövlət katibi Kondoliza Rays, ABŞ-ın ticarət nümayəndəsi Syuzan Şvab və digər rəsmilərlə görüşü planlaşdırılıb" - deyə o qeyd edib. Bu barədə Trend "Kazinform"a istinadən xəbər verib.