İranın mənəvi lideri Ayatulla Əli Xamneyi bildirib ki, beynəlxalq ictimaiyyətin tələblərinə baxmayaraq, onun ölkəsi nüvə proqramından imtina etməyəcək. Bu barədə (C) Associated Press məlumat verir.
"İranın siyasəti sadədir: biz tərəqqiyə can atırıq və öz hüquqlarımızdan istifadə edirik", - deyə o bildirib. "Əgər biz seçdiyimiz yoldan imtina etmək qərarına gəlsəydik, yəqin ki, indi bundan peşman olardıq, lakin canımızı dişimizə tutaraq, həmin yolla getməkdə davam edirik", - deyə Ə.Xamneyi bildirib. Bu barədə Trend RBK-ya istinadən xəbər verir.