Xarici işlər naziri Gela Bejuaşvili bazar ertəsi üçgünlük işgüzar səfərlə Fransaya yola düşüb. Bu barədə Trend Praym-Nyus-a istinadən xəbər verir. "Məqsədimiz -Gürcüstanın Avropaya yolunun daha səmərəli və sürətli olması üçün Avropa tərəfdaşlarının səfərbərliyidir", - deyə Gela Bejuaşvili Parisə yola düşməzdən əvvəl jurnalistlərə bildirib.
Gela Bejuaşvili Fransadan Bolqarıstana yola düşəcək və orada Gürcüstanın dost-ölkələrinin (Estoniya, Latviya, Litva, Polşa, Rumıniya, Bolqarıstan) ministerialında iştirak edəcək.