"Heç bir dövlət İranı dinc nüvə enerjisi haqqından məhrum edə bilməz", - deyə Yaponiya xarici işlər naziri Taro Aso bildirib. İRNA , müxbirinin verdiyi məlumata görə, yaponiyalı nazirin bəyanatı İran xarici siyasi əlaqələr strategiyası Şurasının üzvü Məhəmməd Şəriət-Madari ilə görüşdə səsləndirilib. İki ölkənin qədim dostluq əlaqələrinə toxunan T.Aso həmçinin qeyd edib ki, dünya ictimaiyyəti, o cümlədən Qərb İrana az hörmət bəsləmir.
Yaponiyanın XİN başçısı İranı "xalq idarəçilik strukturları möhkəmlənmiş demokratik dövlət" adlandırıb. T.Asonun sözlərinə görə, İran dövlət quruculuğunun demokratik xarakteri onu digər regional ictimaiyyətlərdən fərqləndirir.