...

Azərbaycan korrupsiya ilə mübarizə üzrə yeni Dövlət Proqramı qəbul edəcək

Cəmiyyət Materials 3 İyun 2017 13:49 (UTC +04:00)
2017-ci ildə Azərbaycanda korrupsiya və rüşvətxorluqla mübarizə üzrə yeni Dövlət Proqramı qəbul ediləcək.
Azərbaycan korrupsiya ilə mübarizə üzrə yeni Dövlət Proqramı qəbul edəcək

Bakı. Azad Həsənli - Trend:

2017-ci ildə Azərbaycanda korrupsiya və rüşvətxorluqla mübarizə üzrə yeni Dövlət Proqramı qəbul ediləcək.

Trend-in məlumatına görə, bu, Azərbaycan Prezidenti İlham Əliyev tərəfindən təsdiq edilmiş Azərbaycan Respublikasında biznes mühitinin əlverişliliyinin artırılması ilə bağlı Tədbirlər Planında öz əksini tapıb.

Tədbirlər Planında qeyd edilir ki, eləcə də xarici vəzifəli şəxslərin rüşvətxorluğuna qarşı mübarizəyə dair Konvensiyaya qoşulmaq imkanları öyrəniləcək.

Rüşvətxorluqla mübarizə məqsədilə həmçinin dövlət satınalmaları üzrə vahid sistemin yaradılması və bütün dövlət orqanlarının bu sistemə qoşulmasının təmin edilməsi planlaşdırılır.

Həmçinin Tədbirlər Planına əsasən, 2017-2018-ci illərdə siyasi partiyaların maliyyələşməsində şəffaflığın artırılması, maliyyə hesabatlarında şəffaflığın artırılması üzrə fəaliyyət planının qəbul edilməsi nəzərdə tutulur.

Xəbər lenti

Xəbər lenti