Təfərrüatlar əlavə olunub (ilk xəbər saat 14:11-də yayılıb)
Bakı. Maksim Tsurkov - Trend:
"Prema Racing" komandasının italyan pilotu Antonio Covinatsi Bakıda "Formula 1" Avropa Qran Prisi çərçivəsində GP2 seriyası üzrə ikinci yürüşdə (sprint) qələbə qazanıb.
Trend-in məlumatına görə, onun nəticəsi 44:49.606 olub.
İkinci yeri onun komanda yoldaşı fransalı Pyer Qasli (+1.7), üçüncü yeri isə ART komandasından rusiyalı pilot Sergey Sirotkin (+4.1 saniyə) tutub.
Xatırladaq ki, bir qədər əvvəl sprintin 12-ci döngəsində kütləvi qəza olmuşdu. Qəza nəticəsində 3 pilot mübarizəni dayandırmışdı.
.jpg)
Qeyd edək ki, Bakıda "Formula 1" Avropa Qran Prisi keçirilir.
Hər biri iki pilotla təmsil olunan 11 komandanın birincilik uğrunda mübarizə apardığı yarış trekinin uzunluğu 6 kilometrdir. Bakı Şəhər Halqasında dünyanın ən məşhur pilotları - Luis Hamilton, Fernando Alonso, Niko Rosberq, Sebastian Fettel, Valtteri Bottas və digərləri yarışırlar.
Trekin ən geniş yerinin eni 13, ən dar hissəsinin eni isə İçərişəhər ətrafında, o cümlədən 7-ci və 8-ci döngələrdə 7,6 metr təşkil edir. Yarışın start və finiş xətti Azadlıq meydanındadır. Burada, həmçinin “Paddok klub”, komandaların boksları və pit-leyn qurulub.
