Azərbaycan, Bakı, 25 iyun /Trend/
Azərbaycan Prezidenti İlham Əliyev Bakı-2015 Avropa Oyunlarında kişilər arasında 81 kq çəki dərəcəsində boks yarışlarında qalib gələn idmançıların mükafatlandırma mərasimində iştirak edib.
Trend-in məlumatına görə, bu çəki dərəcəsində Azərbaycan boksçusu Teymur Məmmədov qalib gəlib. O, finalda italyan Manfredonia Valentinoya qalib gələrək qızıl medala sahib olub.
Qeyd edək ki, bu, Azərbaycan idmançılarının Avropa Oyunlarında qazandığı 15-ci qızıl medaldır.