...

Görkəmli kinorejissor Hüseyn Seyidzadənin yaradıcılıq otağının açılışı olacaq

Mədəniyyət Materials 31 İyul 2019 17:32 (UTC +04:00)
Cəfər Cabbarlı adına “Azərbaycanfilm” kinostudiyasında tanınmış kino xadimlərinin vaxtilə çalışdıqları iş otaqlarının yaradıcılıq otaqlarına çevrilməsi ilə bağlı təşəbbüs həyata keçirilir.
Görkəmli kinorejissor Hüseyn Seyidzadənin yaradıcılıq otağının açılışı olacaq

Bakı. Trend:

Cəfər Cabbarlı adına “Azərbaycanfilm” kinostudiyasında tanınmış kino xadimlərinin vaxtilə çalışdıqları iş otaqlarının yaradıcılıq otaqlarına çevrilməsi ilə bağlı təşəbbüs həyata keçirilir. 2018-ci ildə başlanılan layihə üzrə indiyədək görkəmli kinorejissorlar, xalq artistləri Rasim Ocaqovun və Tofiq Tağızadənin yaradıcılıq otaqlarının açılışı olub.

Mədəniyyət Nazirliyindən Trend-ə bildirilib ki, Milli Kino Günündə Əməkdar incəsənət xadimi, məşhur kinorejissor Hüseyn Seyidzadənin (1910-1979) yaradıcılıq otağının açılış mərasimi olacaq.

Tədbir 2 avqust saat 12:00-da “Azərbaycanfilm” kinostudiyasında keçiriləcək.

Kinostudiyada muzey-otaqlar kimi fəaliyyət göstərən bu məkanlar korifey sənətkarların yaradıcılığı, iş prosesi barədə təsəvvür yaratmaqla yanaşı, eyni zamanda onların xatirəsinin əbədiləşdirilməsinə xidmət edir.

Məqalədə:
Xəbər lenti

Xəbər lenti