Bakı. Samir Əli - Trend:
Tovuz rayonunda 27 yaşlı oğlan itin hücumuna məruz qalıb. Trend-in məlumatına görə, hadisə rayonun Əyyublu kəndində baş verib.
Kənd sakini, 1991-ci il təvəllüdlü Əkbərov Tural Zabit oğlu kənd ərazisində küçə itlərinin hücumuna məruz qalıb.
Hadisə nəticəsində T.Əkbərov qolundan və bədəninin müxtəlif hissələrindən xəsarət alıb.
Yaralıya xəstəxanada tibbi yardım göstərilib.
Faktla bağlı araşdırma aparılır.