...

Ötən il müsabiqəyə ən çox iş yeri bu nazirlik tərəfindən təqdim edilib

Gündəm Materials 23 İyun 2021 10:52 (UTC +04:00)
Ötən il müsabiqəyə ən çox iş yeri bu nazirlik tərəfindən təqdim edilib

Trend-i buradan izləyin

Bakı. Elçin Mehdiyev - Trend:

Ötən il dövlət qulluğu vəzifələrinin tutulması məqsədilə keçirilən müsabiqənin müsahibə mərhələsinə ən çox vəzifə Kənd Təsərrüfatı Nazirliyi tərəfindən (435 vəzifə) təqdim edilib.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

M.Abbaszadə bildirib ki, ən çox müraciət isə Təhsil Nazirliyi (2840 müraciət) üzrə qeydə alınıb. Əmək və Əhalinin Sosial Müdafiəsi Nazirliyi tərəfindən təqdim edilmiş 42 vəzifə üzrə 1033, Kənd Təsərrüfatı Nazirliyi tərəfindən təqdim edilmiş 435 vəzifə üzrə isə 500 müraciət qeydə alınıb.

Onun sözlərinə görə, bir vəzifələrə düşən müraciət sayına görə (müraciət sayı – vəzifə sayı) mərkəzi icra hakimiyyəti orqanları arasında Əqli Mülkiyyət Agentliyi (42 müraciət), Maliyyə Nazirliyi (35 müraciət), Əmək və Əhalinin Sosial Müdafiəsi Nazirliyi (25 müraciət), Dövlət Statistika Komitəsi (21 müraciət) üzrə, məhkəmə orqanları arasında isə Bakı Şəhəri Xətai Rayon Məhkəməsi (63 müraciət), Gəncə Ağır Cinayətlər Məhkəməsi (26 müraciət), Bakı Şəhəri Yasamal Rayon Məhkəməsi (22 müraciət) üzrə daha yüksək göstəricilər qeydə alınıb. Elana çıxarılmış 27 (1,95%) vəzifəyə isə namizədlər tərəfindən heç bir müraciət qeydə alınmayıb.

Məqalədə:
Xəbər lenti

Xəbər lenti