Azərbaycan, Bakı, 23 may / Trend , müxbir K.Zərbalıyeva/ Türkiyə vətəndaşına məxsus anbarda cümə axşamı baş verən yanğın zamanı yanğından mühafizə xidmətinin əməkdaşı xəsarət alıb.
DİN-in mətbuat xidmətinin cümə günü yaydığı məlumatda bildirilir ki, dünən axşam saat 21.30 radələrində Nəsimi rayonundakı Həsən Əliyev küçəsində Türkiyə vətəndaşı Xeyrəddin Peysə məxsus "Riad-Renta" dərman preparatları hazırlayan anbarda yanğın baş verib. Yanğın zamanı anbarın 600 kv.m sahəsi, oradakı tibbi ləvazimatlar və 2 minik avtomaşını yanıb. Fövqəladə Hallar Nazirliyinin Yanğından Mühafizə Xidmətinin əməkdaşı xəsarət alıb.
Yanğının səbəbləri və dəyən ziyanla bağlı Yanğından Mühafizə Xidməti araşdırma aparır.
Müəlliflə əlaqə saxlamaq üçün elektron ünvan - [email protected]
