Azərbaycan, Şəki, 25 may / Trend müxbir E.Quliyev/ Xaldan-Balakən maqistralının 70-ci kilometrliyində ağır yol qəzası baş verib. Qax Rayon Polis Şöbəsindən verilən məlumata görə, Mahir Aslanovun idarə etdiyi VAZ 07 markalı 62 VÇ252 dövlət nişanlı avtomobil qarşıdan gələn QAZEL markalı yuk maşını ilə toqquşub.Qəza nəticəsində 1985-ci il təvəllüdlü Aslanov Mahir və Aliyə adlı sərnişin hadisə yerində həlak olublar. Avtomobildə olan digər sərnişin, 1987-ci il təvəllüdlü Əliyev Vüqar Arif oğlu isə müxtəlif bədən xəsarətləri ilə Şəki şəhər xəstəxanasının reanimasiya şöbəsinə yerleşdirilib.
Hadisə ilə əlaqədar Qax rayon polis şöbəsində cinayət işi qaldırılıb.Qax respublikanın şimal-qərbində, paytaxtdan 432 km məsafədə yerleşir.