Azərbaycan, Lənkəran, 03 oktyabr / Trend , müxbir P.Əliyeva/ Azərbaycanın cənubunda yerləşən (paytaxt Bakıdan 300 kilometr aralı) Astara rayonunun xırda çaylarında daşqın olub.
Astara rayonunun Şağlazizə kəndində xırda çaylarda baş verən daşqın nəticəsində su bənd betonlardan 32-sini yuyub, cümə günü Trend -a Astara rayon icra başçısının müavini, fövqəladə hallar komissiyasının sədri Məzahim Hüseynov bildirib.
Azərbaycanda qeyri-sabit hava şəraiti bir həftədir davam edir. Ekologiya və Təbii Sərvətlər Nazirliyinin məlumatına görə, son 4 gündə ölkə ərazisində yağan intensiv yağışlar iki ayın normasına bərabərdir.
Hüseynov bildirib ki, Şağlazizə kəndində xırda çaylarda baş verən daşqın yaşayış evlərinə ciddi ziyan vurmayıb. Rayonun Mikki kəndindəki xırda çaylarda baş verən daşqın da yolları bərbad vəziyyətə salıb. Daşqın nəticəsində dəyən ziyanın müəyyənləşdirilməsi və aradan qaldırılması üçün bu gün gecədən tədbirlər görülməyə başlayıb. Komissiyanın bölgəyə gəlməsi üçün Fövqəladə Hallar Nazirliyinə müraciət edilib. Hüseynov Astara çayında da daşqın təhlükəsinin olduğunu bildirib.
Məqalə müəllifi ilə əlaqə ünvanı: [email protected]
