17 Pakistan vətəndaşı İranın Təbriz-Zəncan magistral yolunda baş vermiş avtomobil qəzasında həlak olub. Pakistan vətəndaşları qanunsuz olaraq İran ərazisinə daxil olublar. Bu barədə İranın dövlət televiziyası məlumat yayıb.
Məlumata əsasən, bu gecə saat 01:00 radələrində qanunsuz İrana daxil olmuş 24 Pakistan vətəndaşını daşıyan yük avtomobili Təbriz-Zəncan magistral yolunda körpü üzərindən aşıb. Hadisə nəticəsində sərnişinlərdən 17 nəfər həlak olub və 7 nəfər yaralanıb. Yaralılar Təbrizin İmam Rza xəstəxanasına çatdırılıb. Yaralıların vəziyyətinin qənaətbəxş olduğu bildirilir.
Pakistan vətəndaşları Türkiyəyə keçərək Yunanıstana getmək niyyətində olublar.