Azərbaycan, Bakı, 27 may /Trend, müxbir K.Zərbalıyeva/
Azərbaycan Ordusunun əsgəri həlak olub. Azərbaycan Müdafiə Nazirliyinin Tovuz rayonunda yerləşən "N" saylı hərbi hissəsində xidmətdə olan əsgər Elvar Yaqub oğlu Bayramov avtomatdan açılan atəş nəticəsində dünyasını dəyişib.
Qazax Hərbi Prokurorluğundan Trend-ə verilən məlumata görə, faktla bağlı cinayət işi başlanılıb, istintaq aparılır. Hadisənin səbəbi məlum deyil.
Bayramov ötən ilin iyulunda Şamaxı Rayon Hərbi Komissarlığından həqiqi hərbi xidmətə çağırılıb.
Müdafiə Nazirliyindən hadisə ilə bağlı məlumat almaq mümkün olmayıb.
