Azərbaycan, Bakı, 19 iyun /Trend, müxbir K.Zərbalıyeva/
Azərbaycanın Gədəbəy rayonunda torpaq sürüşməsinə meyilli ərazilərdə aktivlik yaranıb.
Fövqəladə Hallar Nazirliyinin internet saytının şənbə günü yaydığı məlumata görə, Gədəbəyin Əyrivəng və Şahdağ kəndlərində torpaq sürüşməsinə meyilli ərazilər iyunun 17-18-də yağıntılar nəticəsində fəallaşıb.
Nəticədə, Əyrivəng kəndində 6, Şahdağ kəndində isə 17 fərdi yaşayış evi aktiv sürüşmə zolağına düşüb.
Əyrivəng kəndində təhlükəli ərazidə yerləşən 4 fərdi evin sakinləri həmin ərazidən çıxarılıb.