Azərbaycan, Bakı, 21 dekabr /Trend, müxbir K.Zərbalıyeva/
Bu il Azərbaycanda 2220-dən artıq yerli zəlzələ qeydə alınıb.
Milli Elmlər Akademiyasının Seysmoloji Xidmət Mərkəzinin baş direktoru Qurban Yetirmişli çərşənbə axşamı Trend-ə bildirib ki, Azərbaycana yaxın və uzaq ərazilərdə baş verən və ölkəmizin ərazisində hiss olunan 1830-dan artıq zəlzələ qeydə alınıb.
Mərkəzin direktoru bildirib ki, ötən il ərzində ümumilikdə 40 mindən artıq yeraltı təkan baş verib ki, onların əksəriyyəti hiss olunmayıb.
Yetirmişli qeyd edib ki, bu il Azərbaycanda seysmoaktivlik fon səviyyəsində olub.
Onun sözlərinə görə, qeydə alınan təkanlar çox zəif gücdə olub.
Azərbaycanda sonuncu dəfə insan tələfatı ilə qeydə alınan zəlzələ 2000-ci ilin noyabrında baş verib.