Azərbaycan, Bakı, 22 aprel /Trend, müxbir K.Zərbalıyeva/
Xəzərin Azərbaycan hissəsində balıqçılar itkin düşüb.
Fövqəladə Hallar Nazirliyindən Trend-ə verilən məlumata görə, nazirliyə Şabran rayonu ərazisində dənizdə avarlı qayıqla balıq tutan 2 nəfərin itkin düşməsi barədə məlumat daxil olub.
FHN-in dalğıc-xilasediciləri axtarış-xilasetmə işləri aparmaq üçün hadisə yerinə cəlb ediliblər.
Bir neçə gün öncə H. Z.Tağıyev qəsəbəsi ərazisində, sahildən 10 km aralıda dənizdə balıqçı qayığı çevrilib.
Aprelin 21-də günün müxtəlif saatlarında Sumqayıt şəhəri, Corat qəsəbəsi ərazisində, sahildən 3 km aralıda 1989-cu il təvəllüdlü Bəylər Mövlanverdi oğlu Hətəmov və 1980-cı il təvəllüdlü Pavel Viktoroviç Vasilyevin cəsədləri suda aşkarlanaraq çıxarılıb və aidiyyəti üzrə təhvil verilib.
Hazırda hadisə zamanı qayıqda olduğu ehtimal olunan iki nəfərin axtarışı isə davam etdirilir.