Azərbaycan, Bakı, 2 may /Trend, müxbir K.Zərbalıyeva/
Bakıda avtobus qaçırmaqda şübhəli bilinən Gürcüstan vətəndaşı saxlanılıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, mayın 1-i saat 02:00 radələrində "Binə" ticarət mərkəzinin qarşısından Bakı şəhər sakini Elbəyi Paşayevə məxsus "DAF" markalı avtobus qaçırılıb.
Avtomobil bu gün saat 07:00 radələrində mühərriki dağılmış vəziyyətdə Neftçilər prospektində tapılıb.
Qaradağ rayon Polis İdarəsinin 10-cu polis bölməsinin əməkdaşlarının keçirdiyi əməliyyat tədbirləri nəticəsində avtobusu qaçırmaqda şübhəli bilinən Gürcüstan vətəndaşı Qiorqi Kaadze tutulub.
Faktla bağlı araşdırma aparılır.