Azərbaycan, Bakı, 15 sentyabr /Trend, müxbir K.Zərbalıyeva/
Bakının Səbail rayonunda 34 yaşlı qadın qətlə yetirilib.
Səbail rayon prokurorluğundan Trend-ə verilən məlumata görə, qadın küçənin ortasında çoxsaylı bıçaq zərbələri ilə qətlə yetirilib.
Sentyabrın 14-ü saat 22:30 radələrində Badamdar qəsəbəsi, S.Məmmədov küçəsi, 5 saylı evin qarşısında naməlum şəxs 34 yaşlı İradə Rzayevanı öldürüb.
Rzayevanın yaşlı tanışı Oqtay Nəcəfov tərəfindən mətbəx bıçağı ilə öldürüldüyü məlum olub.
Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.