Azərbaycan, Bakı, 15 noyabr / Trend, müxbir A.Tağıyeva /
Türkiyənin Van şəhərində naməlum şəxslər İrana məxsus nömrə nişanlı sərnişin avtobusuna silahlı hücum ediblər. İlkin versiyalara görə, hücum nəticəsində 6 nəfər İran vətəndaşı yaralanıb. Trend-in məlumatına görə, bu barədə Türkiyənin "Sabah" qəzeti xəbər verib.
Hadisə yerinə təcili yardım maşınları və təhlükəsizlik qüvvələri gəliblər. Yaralılar yaxınlıqdakı xəstəxanalara yerləşdiriliblər.