...

Azərbaycanda oktyabrda 51 nəfər qidadan zəhərlənib

Hadisə Materials 16 Noyabr 2011 13:37 (UTC +04:00)
Bu ilin oktyabr ayı ərzində əhali arasında 48 qida zəhərlənməsi hadisəsi baş verib.
Azərbaycanda oktyabrda 51 nəfər qidadan zəhərlənib

Trend-i buradan izləyin

Azərbaycan, Bakı, 16 noyabr / Trend müxbir İ.İsabalayeva/

Bu ilin oktyabr ayı ərzində əhali arasında 48 qida zəhərlənməsi hadisəsi baş verib.

Azərbaycan Səhiyyə Nazirliyinin mətbuat xidmətindən çərşənbə günü Trend-ə verilən məlumata görə, zəhərlənmə hadisələrindən 51 nəfər zərərçəkib. Zəhərlənmələrin 2-i botulizm hadisəsi nəticəsində baş verib. Bundan 4 nəfər zərərçəkən olub, 1 nəfər vəfat edib.

Oktyabr ayı ərzində respublikanın sanitariya-epidemioloji xidmət orqanları tərəfindən yeyinti məhsullarının istehsalı, satışı, saxlanılması və daşınması zamanı sanitariya norma və qaydalarının tələblərini pozan, o cümlədən laboratoriya nümunələrinin nəticələrinə görə gigiyenik normalara cavab verməyən məhsulları istehsal edən 45 müəssisənin sahibkarı inzibatı qaydada cərimələnib, 19 obyektin istismarı dayandırılıb, 28 nəfər işdən müvəqqəti kənarlaşdırılıb.

Orqanoleptik və fiziki-kimyəvi göstəricilərinə görə 643, mikrobioloji göstəricilərinə görə 565, toksikoloji göstəricilərinə görə 71, radioloji göstəricilərinə görə 30 yeyinti məhsulları nümunələri laboratoriya müayinələrinə cəlb olunub. Nümunələrin 15-də orqanoleptik və fiziki-kimyəvi, 13-də mikrobioloji, 4-də toksikoloji göstəricilərinə görə normadan kənara çıxma müəyyən olunub.

Şadlıq evlərindən 2093 yaxma, 31 soyuq qəlyanaltı nümunəsi götürülüb, yaxma nümunələrinin 54-də mikrobioloji çirklənmə aşkarlanıb.

Xəbər lenti

Xəbər lenti