Azərbaycan, Bakı, 6 dekabr /Trend, müxbir K.Zərbalıyeva/
"İmamzadə" ziyarətgahına bomba qoyulması barədə polisə yalan məlumat verilib.
Trend-in çərşənbə axşamı Daxili İşlər Nazirliyinin saytına istinadən verdiyi məlumata görə, dekabrın 5-də saat 20.11-də naməlum qadın "102 Zəng Mərkəzi"nə zəng edərək Kəpəz rayonunun Gülüstan qəsəbəsində yaşamasını və "İmamzadə" ziyarətgahına bomba qoyulması barədə məlumat verib.
Kəpəz Rayon Polis İdarəsi tərəfindən müvafiq tədbirlər görülsə də, məlumat təsdiqini tapmayıb.
Araşdırmalar zamanı yalan məlumatın 14 yaşlı A. M. tərəfindən verilməsi müəyyən edilib.