Azərbaycan, Bakı, 11 yanvar /Trend müxbir K.Zərbalıyeva/
Salyan-Şirvan yolunda avtomobil aşıb, iki nəfər ölüb.
Respublika Baş Dövlət Yol Polisi İdarəsindən çərşənbə günü Trend-ə verilən məlumata görə, dünən saat 12:25 radələrində Salyan-Şirvan yolunun 6-cı kilometrliyində "Mercedes" markalı avtomobil dərəyə aşıb.
Nəticədə sürücü 1983-cü il təvəllüdlü Fuad Nəsirov və sərnişini 1989-cu il təvəllüdlü İlkin Xandəmirov hadisə yerində keçinib.
İlkin məlumata görə, qəza avtomobilin yüksək sürətlə idarə olunması səbəbindən baş verib.
Sürücü idarəetməni itirib, avtomobil yoldan çıxaraq aşıb.