Azərbaycan, Bakı, 12 yanvar /Trend müxbir K.Zərbalıyeva/
Fövqəladə Hallar Nazirliyi dünən Bakı Avropa Liseyinin qarşısında baş vermiş yol qəzası ilə bağlı məlumat yayıb.
Trend-in nazirliyin rəsmi saytına istinadən verdiyi məlumata görə, Yasamal rayonunda "Kamaz" markalı yük avtomobili, "Isuzu" markalı avtobus, "QAZ", "Nissan", "Mazda", "VAZ", "Azsamand", "Mercedes", habelə 2 ədəd "Toyota" və 2 ədəd "Hyundai" markalı minik avtomobilinin iştirakı ilə yol-nəqliyyat qəzası baş verib.
Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunublar.
Hadisə yerində əməliyyat şəraiti qiymətləndirilərkən məlum olmuşdur ki, qeyd olunmuş nəqliyyat vasitələri zədələnib, avtomobildə olan 2 nəfər xəsarət alıb, yaxınlıqdan keçən qaz borusunun zədələnməsi səbəbindən qaz sızması yaranıb.
Xilasedicilər qaz sızması ilə əlaqədar aidiyyəti idarənin nümayəndələrinin hadisə yerinə çağırılmasını təmin edib.