Azərbaycan, Bakı, 23 yanvar /Trend, müxbir K.Zərbalıyeva/
Bakıda taksi sürücüsü Nəqliyyat Nazirliyinin əməkdaşını döyüb.
Nizami rayon prokurorluğundan Trend-ə verilən məlumata görə, Babək prospektində xidmət aparan Nəqliyyat Nazirliyinin Dövlət Avtomobil Nəqliyyatı Xidmətinin müfəttişi 35 yaşlı Hüseynov İbrahim Elvis oğlu ilə taksi sürücüsü 1981-ci il təvəllüdlü Məmmədov İbrahim Telman oğlu arasında mübahisə düşüb.
Mübahisə davaya səbəb olub və taksi sürücüsü küt alətlə müfəttişin başından xəsarət yetirib.
Hüseynov Kliniki Tibbi Mərkəzə yerləşdirilib.
Faktla bağlı Nizami rayon prokurorluğunda araşdırma başlayıb.