Azərbaycan, Bakı, 4 fevral / Trend müxbir K.Zərbalıyeva/
Respublikada dünən 10 yol qəzası qeydə alınıb, 13 nəfər müxtəlif dərəcəli bədən xəsarətləri aıb.
Respublika Baş Dövlət Yol Polisi İdarəsindən Trend-ə verilən məlumata görə, hadisələr zamanı ölüm faktı qeydə alınmayıb.
Hadisələrin 2-i Bakıda qeydə alınıb və nəticədə 2 nəfər xəsarət alıb.
İdarədən bildirilib ki, respublika ərazisindəki qəzalar Gəndob-Yalama, İsmayıllı-Qaraməryəm, Bakı-Qazax yollarında, Yevlax, Gəncə, Zaqatala şəhər və rayonlarının ərazilərində qeydə alınıb.
İdarədən bildirilib ki, rayonlara gedən yollarda nəqliyyatın hərəkəti məhdudlaşmayıb, yolların müəyyən hissələrində buzlaşma olsa da, hərəkət üçün açıqdır.