Azərbaycan, Bakı, 12 mart / Trend müxbir K.Zərbalıyeva/
Bakı sakininin evindən silah-sursat tapılıb.
Bakı Şəhər Baş Polis İdarəsindən Trend-ə verilən məlumata görə, Çevik Polis Alayının, Yasamal Rayon Polis İdarəsinin əməkdaşlarının keçirdikləri əməliyyat tədbirləri nəticəsində D.Bünyadzadə küçəsində yaşayan İlham Abbasovun evindən 522 ədəd avtomat patronu, 3 ədəd ov bıçağı, 1 ədəd alışqanı ilə birlikdə "F-1" əl qumbarası və qundağı kəsilmiş "Karabin" markalı tüfəng aşkar edilərək götürülüb.
Faktla bağlı cinayət işi başlanıb.