Azərbaycan, Bakı, 30 mart /Trend/
Cümə günü paytaxtın Qaradağ rayonunda baş vermiş yol qəzası nəticəsində 1 nəfər ölüb. Bu barədə Trend FHN-in rəsmi saytına istinadən xəbər verir.
Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Qaradağ rayonunda "BMW" markalı minik avtomobili və "Mercedes" markalı mikroavtobus toqquşmuşdur. Nəticədə, "BMW" markalı minik avtomobili deformasiyaya uğramış və avtomobilin sürücüsü 1988-ci il təvəllüdlü Hümbətov Orxan Elman oğlu həlak olmuşdur. Hadisə yerinə cəlb edilmiş xilasedicilər ərazidə müvafiq təhlükəsizlik tədbirləri görmüşlər.