Azərbaycan, Bakı, 3 aprel / Trend müxbir K.Zərbalıyeva/
Bakıda özünü odlu silahla vuran kişi xəstəxanada ölüb.
Trend-in Daxili İşlər Nazirliyinin rəsmi internet saytına istinadən verdiyi məlumata görə, aprelin 3-də Nərimanov rayonu ərazisində yaşayan Anar İsmayılov intihar məqsədi ilə baş nahiyəsinə tapançadan atəş açıb.
İsmayılov aldığı xəsarətdən xəstəxanada ölüb.
Nərimanov Rayon Polis İdarəsinin 16-cı polis bölməsinin əməkdaşları hadisə yerinə baxış zamanı 1 ədəd giliz aşkar edilərək götürüblər.
İsmayılovun qardaşı Arzu İsmayılov 1 ədəd "Makarov" markalı tapançanı, 1 ədəd patron darağını və 6 ədəd patronu polisə təhvil verib.