Azərbaycan, Bakı, 15 may / Trend /
Bazar ertəsi axşam saatlarında Şəki rayonunda 3,8 maqnitudalı zəlzələ baş verib.
Respublika Seysmoloji Xidmət Mərkəzindən Trend-ə verilən məlumata görə, zəlzələ saat 20:51-də, Şəki şəhərindən 10 km qərbdə qeydə alınıb. Zəlzələ Şəki şəhərində 3 bala qədər hiss olunub.
Qeyd edək ki, bu, Şəkidə sutka ərzində qeydə alınan üçüncü zəlzələdir. Daha əvvəl maqnitudaları 4 və 2,4 olan iki zəlzələ olub.
Mayın 7-də səhər saatlarında Zaqatalada 7 bal gücündə zəlzələ qeydə alınmışdı. Həmin gün Zaqatalada daha 8 zəlzələ baş vermişdi. Nəticədə Zaqatalada 3 minə yaxın ev, 124 sosial obyekt uçub və ya tam qəzalı vəziyyətdədir. İnsan ölümü və ciddi xəsarət alan yoxdur.