Azərbaycan, Bakı, 27 avqust /Trend/
Bazar günü axşam saatlarında Kürdəmir rayonunda ağır yol qəzası baş verib, nəticədə bir nəfər həlak olub, iki nəfər isə xəsarət alıb.
Trend-in bazar günü FHN-in rəsmi saytına istinadən verdiyi məlumata görə, Kürdəmir rayonu, Atakişili kəndində vətəndaşa məxsus "VAZ-2106" markalı minik avtomobilinin digər vətəndaşa məxsus "KAMAZ" markalı yük avtomobili ilə toqquşması nəticəsində yol qəza hadisəsi baş verib.
Qəza nəticəsində "VAZ-2106" markalı minik avtomobilin sürücüsü ağır bədən xəsarətləri alaraq hadisə yerində vəfat edib.
Minik avtomobilində olan iki sərnişin isə ağır bədən xəsarətləri ilə yanğınsöndürən-xilasedicilər tərəfindən müxtəlif kəsici alətlərdən istifadə olunmaqla minik avtomobilindən çıxarılaraq təcili yardım xidmətinə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.