Azərbaycan, Bakı, 13 sentyabr /Trend/
Bakıda Gürcüstan vətəndaşlarının qanunsuz yaşadıqları müəyyən olunub.
Bakı şəhər Baş Polis İdarəsindən Trend-ə verilən məlumata görə, Suraxanı RPİ 31-ci PB-nin əməkdaşları Gürcüstan vətəndaşları Ədalət Nağıyevin, Məzəli Musayevanın və Fəzilə Nağıyevanın qeydiyyatsız yaşadıqları üçün barələrində İnzibati Xətalar Məcəlləsinin 339-cu (əcnəbilərin və vətəndaşlığı olmayan şəxslərin Azərbaycan Respublikasında olması, yaxud Azərbaycan Respublikası ərazisindən tranzitlə keçməsi qaydalarını pozulması) maddəsi ilə protokol tərtib edərək Baş Pasport Qeydiyyat və Miqrasiya İdarəsinin Qanunsuz Miqrantlara Qarşı Mübarizə İdarəsinə (BPQvMİ QMQMİ) təhvil veriblər.