Azərbaycan, Bakı, 1 oktyabr /Trend, müxbir K.Zərbalıyeva/
Azərbaycanda istirahət günlərində baş vermiş yol qəzalarında 20 nəfər ölüb.
Trend Daxili İşlər Nazirliyinin rəsmi saytına istinadən xəbər verir ki, şənbə və bazar günlərində respublikanın avtomobil yollarında 14 yol qəzası qeydə alınıb. Qəzalarda 20 nəfər dünyasını dəyişib, 14 nəfər xəsarət alıb.
Qəzalardan 9-u (14 ölüm, 9 xəsarət) şənbə günü, 5-i (6 ölüm, 5 xəsarət) bazar günü qeydə alınıb.