Azərbaycan, Bakı, 29 mart /Trend, müxbir İ.İzzət/
Şəmkirdə oğurluğa cəhd edən şəxs yatdığı üçün ələ keçib.
Trend "Kəpəz TV"-yə istinadən xəbər verir ki, dünən gecə saatlarında Tovuz rayon sakini Rəşad Vəliyev Şəmkir şəhər sakini Rabə Əmirovanın evinə oğurluğa girib.
9 otaqlı evdən xeyli miqdarda qızıl-zinət və geyim əşyaları oğurlayan, hətta geyimlərdən də bəzilərini geyinən oğru evdə heç kimin olmadığı üçün orada yataraq dincəlmək istəyib.
Evdə yatıb qalan oğru bu gün səhər saat 09:00 radələrində ev sahibi və polis tərəfindən yaxalanıb.
Faktla bağlı Şəmkir rayon Polis Şöbəsində cinayət işi açılıb, araşdırma aparılır.