Azərbaycan, Bakı, 3 aprel /Trend, müxbir İ.İzzət/
Mingəçevirdə silah-sursat tapılıb, Naxçıvanda isə bir nəfər əlində olan silahları polisə təhvil verib.
Daxili İşlər Nazirliyinin mətbuat xidmətindən Trend-ə verilən məlumata görə, Baş Mühafizə İdarəsi əməkdaşları tərəfindən Mingəçevir şəhərinin ərazisindən tapılmış 2 ədəd qumbara, 2 ədəd şaşka, 1 ədəd fişəng, 72 ədəd müxtəlif çaplı patron və 4 ədəd patron darağı Şəhər Polis Şöbəsinə təhvil verilib.
Naxçıvan Muxtar Respublikasında isə Qaraçux kənd sakini Ayrım Allahverdiyev tapdığı 1 ədəd nömrəsi silinmiş ov tüfəngini və 1 ədəd nömrəsi silinmiş qaz tapançasını könüllü olaraq Naxçıvan Şəhər Polis İdarəsinə təhvil verib.