Azərbaycan, Bakı, 8 iyun /Trend, müxbir İ.İsabalayeva/
Abşeron rayonunun Masazır qəsəbəsi ərazisində ölümlə nəticələnən yol-nəqliyyat hadisəsi baş verib.
Trend Daxili İşlər Nazirliyinin rəsmi saytına istinadən xəbər verir ki, iyunun 7-də saat 19:00 radələrində Abşeron rayonunun Masazır qəsəbəsi ərazisində Sumqayıt şəhər sakini Nail Mahmudov idarə etdiyi "Mercedes" markalı avtomaşınla yolu keçən həmyerlisi Müşfiq Məmmədovu vurub. Nəticədə M.Məmmədov hadisə yerində ölüb.
Abşeron Rayon Polis Şöbəsi tərəfindən hadisə ilə bağlı araşdırma aparılır.