Azərbaycan, Bakı, 23 iyul /Trend, müxbir İ.İzzət/
Bərdədə traktor aşdı, 3 nəfər yaralandı.
Trend EL TV-yə istinadən xəbər verir ki, Bərdə rayonu ərazisində 3 nəfərin yaralanması ilə nəticələnən qəza olub.
Hadisə Bərdə-Quzanlı yolunun Bərdə rayonu Kətəlparaq kəndi ərazisindən keçən hissəsində baş verib. Şahidlərin bildirdiyinə görə, hadisənin baş verməsinə "Mersedes" markalı minik avtomobilinin traktorun hərəkət zolağna çıxması səbəb olub.
"Mersedes"lə toqquşmadan yayınan traktor yolun kənarına aşıb. Hadisə zamanı traktorda üç nəfər olub. Yaralılar dərhal Bərdə Mərkəzi rayon xəstəxanasına yerləşdiriliblər.
Faktla bağlı araşdırma aparılır.